ជនសង្ស័យ៣នាក់ត្រូវបញ្ជូនខ្លួនទៅសាលាដំបូងខេត្ត ពាក់ព័ន្ធករណីគ្រឿងញៀន
11-November-2017 | ដោយ ពលមនសិការ
សៀមរាប ៖ នៅវេលាម៉ោង០៨និង០០នាទី ថ្ងៃទី១០ ខែវិច្ឆិកា ឆ្នាំ២០១៧ កម្លាំងការិយាល័យប្រឆាំងគ្រឿងញៀនបានចុះបង្ក្រាបករណីចាត់ចែងឲ្យប្រើប្រាស់ដោយខុសច្បាប់នូវសារធាតុញៀននៅបន្ទប់ជួលភូមិស្លក្រាម សង្កាត់ស្លក្រាម ក្រុង/ខេត្ត សៀមរាប។
កម្លាំងសមត្ថកិច្ចបានឃាត់ខ្លួនជនសង្ស័យសរុបចំនួន០៣នាក់ រួមមានទី១-ឈ្មោះ តាន់ ស្រេង ភេទប្រុស អាយុ១៨ឆ្នាំ មុខរបរកម្មករលើកឥវ៉ាន់ទីលំនៅស្នាក់នៅបន្ទប់ជួលភូមិស្លក្រាម សង្កាត់ស្លក្រាម ក្រុងខេត្តសៀមរាប ចាត់ចែង មានសារធាតុញៀនក្នុងខ្លួន ទី២-ឈ្មោះ សារ៉េត សាន់ភេទប្រុស អាយុ២០ឆ្នាំ មុខរបរកម្មករលើកឥវ៉ាន់ទីលំនៅភូមិអញ្ចាញ សង្កាត់នគរធំ ក្រុង/ខេត្តសៀមរាប ចាត់ចែង មានសារធាតុញៀនក្នុងខ្លួន ទី៣-ឈ្មោះ មាស ដេវីត ភេទប្រុស អាយុ១៨ឆ្នាំ មុខរបរកម្មករលើកឥវ៉ាន់ ទីលំនៅភូមិទួលត្នោត ឃុំគគី ស្រុកកៀនស្វាយ ខេត្តកណ្តាល ចាត់ចែង មានសារធាតុញៀនក្នុងខ្លួន។
ដកហូតវត្ថុតាងមានឧបករណ៍ប្រើប្រាស់គ្រឿងញៀនមួយចំនួន។ បញ្ជូនទៅសាលាដំបូងខេត្តថ្ងៃទី១១ ខែវិច្ឆិកា ឆ្នាំ២០១៧ ដើម្បីចាត់ការទៅតាមនីតិវិធីច្បាប់ ៕
ចំនួនអ្នកទស្សនា
- ថ្ងៃនេះ351
- ម្សិលមិញ10851
- សប្តាហ៍នេះ66871
- ខែនេះ182021
- ឆ្នាំនេះ182021
- សរុប20624477